Bakıda təşkil olunan cüdo üzrə dünya çempionatının açılış mərasimi baş tutub.
Sportfm.az xəbər verir ki, tədbir mundialın keçirildiyi Milli Gimnastika Arenasında gerçəkləşib.

Azərbaycan Prezidenti İlham Əliyev də mərasimi canlı izləyib.

Açılış mərasimində Beynəlxalq Cüdo Federasiyasının (İJF) prezidenti Marius Vizer, Azərbaycan Cüdo Federasiyasının (ACF) prezidenti Rəşad Nəbiyev, İJF və ACF nümayəndələri, həmçinin dövlət rəsmiləri iştirak ediblər.

İlk olaraq Azərbaycan idmanına həsr olunmuş film nümayiş olunub. Ardınca tədbirin rəsmi hissəsi start götürüb.

Rəsmi hissədən sonra bədii hissə start götürüb və iştirakçı ölkələrin bayraqları arenaya gətirilib.

Qeyd edək ki, ötən gün start götürən mundial oktyabrın 11-də başa çatacaq. Yarışın ilk günündə Azərbaycan millisinin üzvü Əhməd Yusifov (60 kq) qızıl medal qazanıb. Bu, Azərbaycan cüdo tarixində böyüklər arasında dünya çempionatlarında qazanılan dördüncü qızıl medal, 60 kq çəki dərəcəsində isə ilk dünya çempionluğudur.

Oxşar xəbərlər

Daha dörd cüdoçusu mübarizəyə başlayır - Dünya çempionatı

Bakıda cüdo üzrə dünya çempionatı başladı

Bakıda Dünya Kubokunun açılış keçirildi

Bakıda cüdo üzrə dünya çempionatının açılış mərasimi keçirildi

“Böyük dəbilqə” turnirinin açılış mərasimi keçirildi