Qadın voleybolçular arasında Azərbaycan çempionatında növbəti turun oyunları keçirilib.

Sportfm.az xəbər verir ki, bu gün Yüksək Liqanın VIII turunda Bakıda iki, Gəncədə isə bir oyun baş tutub.

Turun ilk qarşılaşması Gəncə İdman Sarayında “Gəncə” və “Murov Az Terminal” komandaları arasında olub. Görüş qonaqların 3:2 hesablı qələbəsi ilə başa çatıb.

Turun digər qarşılaşmaları isə GİN-in Voleybol Mərkəzində təşkil olunub. Burada “Milli Aviasiya Akademiyası” komandası “Abşeron”la, “Azərreyl” isə UNEC-lə üz-üzə gəlib. Gərgin keçən “Milli Aviasiya Akademiyası” - “Abşeron” matçında qalib 4 setdə müəyyənləşib. “Milli Aviasiya Akademiyası” rəqibini 3:1 hesabı ilə məğlub edib.
Turun son qarşılaşmasında isə “Azərreyl” 3:0 hesabı ilə UNEC komandasına qalib gəlib.

Yüksək Liqa
28 yanvar
VIII tur

“Gəncə” - “Murov Az Terminal” 2:3 (18:25, 25:18, 20:25, 26:24, 10:15)
“Abşeron” - “Milli Aviasiya Akademiyası” 1:3 (18:25, 28:26, 25:27, 22:25)
“Azərreyl” - UNEC 3:0 (25:9, 25:11, 25:15)

Qeyd edək ki, qadın voleybolçuların Yüksək Liqasında növbəti turun oyunları fevralın 4-də keçiriləcək.

Oxşar xəbərlər

VIII tur Gəncədə başlayacaq - Yüksək Liqa

"Azərreyl" və "Abşeron" qalib gəldi

Yeni mövsüm start götürdü - FOTO

UNEC öz zalında məğlub oldu

“Azərreyl” rəhm etmədi - növbəti qələbə