Azərbaycanın 3 cüdoçusu Bakıda bu gün start götürən “Böyük Dəbilqə” turnirində yarımfinala yüksəlib.

Sportfm.az xəbər verir ki, 60 kq-da Kəramət Hüseynov və Balabəy Ağayev, 66 kq-da isə Orxan Səfərov finala vəsiqə uğrunda güləşəcək.

Mübarizəyə 1/8 finaldan başlayan Hüseynov Vijay Yadav (Hindistan) və Dilşodbek Baratova (Özbəkistan), Ağayev isə Şerzod Davlatov (Qazaxıstan) ilə Tsoqt-Oçir Byambacava (Monqolustan) qalib gəlib. İki cüdoçu finala vəsiqə uğrunda bir-biri ilə qarşılaşacaq.

Səfərov isə yarımfinaladək Munis Havsavi (Səudiyyə Ərəbistanı), Yanislav Gerçev (Bolqarıstan) və David Qarsiyanı (İspaniya) mübarizədən kənarlaşdırıb. Onun finala gedən yolda rəqibi Denis Viyeru (Moldova) olacaq.

66 kq-da yer alan digər Azərbaycan təmsilçisi Kamran Süleymanov bürünc medal uğrunda təsəlliverici görüşlərə qatılacaq.

Qadınların mübarizəsində isə 48 kq-da Leyla Əliyeva, Aişə Qurbanlı və Ramilə Əliyeva, 52 kq-da isə Gültac Məmmədəliyeva və Aydan Vəliyeva yarışı medalsız başa vurub.

Oxşar xəbərlər

Bayramov yarımfinalda - “Böyük Dəbilqə”

İlk gündə 3 medal - “Böyük Dəbilqə”

Cüdoçularımızdan 1 qızıl, 2 bürünc medal - Böyük Dəbilqə

13 cüdoçumuz mübarizəyə başlayır - Böyük Dəbilqə

Azərbaycan cüdoçusu Böyük Dəbilqə turnirində finala yüksəldi - FOTO