Bu gün Türkiyə Super Liqasının XXIII turunda "Fənərbağça" və "Qalatasaray" arasında derbi oyunu keçiriləcək.

Sportfm.az xəbər verir ki, "Şükrü Saracoğlu" stadionunda təşkil olunacaq qarşılaşma Bakı vaxtı ilə saat 20:00-da başlanacaq. Bu, iki komanda arasında 391-ci görüş olacaq. "Qalatasaray" əzəli rəqibini 1999-cu ildən səfərdə yenə bilmir.

Hazırda "sarı-qırmızılar" 42 xalla 4-cü, "sarı-lacivərdlilər" isə 38 xalla 6-cı pillədə qərarlaşıb. "Cim-Bom" bu gün qələbə qazanacağı təqdirdə, lider "Trabzonspor" və "Sivasspor"la xallarını bərabərləşdirəcək.

Qeyd edək ki, bu tur "Trabzonspor" "Beşiktaş"la səfər matçından 2:2 hesablı heç-heçə ilə ayrılıb. "Sivasspor" isə "Alanyaspor"a qalib gəlib - 1:0.

Oxşar xəbərlər

Bu gün derbi var - “Qalatasaray” - “Fənərbaxça”

Bugün dünya derbisi var

"Fənərbaxça" "Qalatasaray"a qarşı - Derbi matçı

"Qalatasaray" və "Trabzonspor" qələbə qazandı - Türkiyə Super Liqası

"Qalatasaray" və "Fənərbaxça" arasında mövsümün ilk İstanbul derbisi