"Almaniya ilə oyun geridə qaldı. İndi bizi Azərbaycanla önəmli oyun gözləyir. Rəqib son görüşdə Norveçi gözlənilmədən məğlub etdi. Ancaq bu komanda ilə görüşdə üstün tərəf olacağımıza əminəm". Qol.az-ın məlumatına görə, bu sözləri Çexiya millisinin futbolçusu Marek Suxi DÇ-2018-in seçmə mərhələsində millimizlə oyun öncəsi ölkəsinin mətbuatına deyib. O, Azərbaycan və Norveçlə vacib görüşlərin olacağını vurğulayıb:  "Bu oyunlarda əlimizdən gələni etməliyik". Qeyd edək ki, Çexiya - Azərbaycan oyunu sabah Bakı vaxtı ilə saat 22:45-də başlayacaq.