"Liverpul"un və Misir millisinin futbolçusu Məhəmməd Salah Rusiyanın Çeçenistan Respublikasının Fəxri vətəndaşı adına layiq görülüb.

Sportfm.az xəbər verir ki, 26 yaşlı yarımmüdafiəçini Çeçenistanın başçısı Ramzan Kadırov təltif edib.

O, sosial şəbəkədəki səhifəsində yazıb: "Məhəmməd Salah - Çeçenistanın Fəxri vətəndaşıdır! Bu, məhz belədir! Bu gecə böyük futbolçuya yüksək adın verilməsi barədə fərman imzaladım. Misir yığmasının şərəfinə verdiyim təntənəli şam yeməyində mən Məhəmməd Salaha fərmanın surətini və döş nişanını təqdim etdim. Bu, layiqli addır".

Kadırovun sözlərinə görə, minlərlə uşaq, yeniyetmə və yaşlı insan dünyanın ən yaxşı futbolçularından birini görmək, onunla ünsiyyətdə olmaq imkanı qazanıb. O, Çeçenistanın "Ahmat" klubunun Misir yığması ilə Qroznıda nə vaxtsa yoldaşlıq görüşü keçirəcəyinə əminlik ifadə edib.

Misir yığması dünya çempionatındakı ilk 2 oyununda Uruqvaya 0:1, Rusiyaya isə 1:3 hesabı ilə uduzaraq, qrupda qalıb.

Oxşar xəbərlər

Salah Olimpiadanın heyətində - Tokio-2020

Salaha istirahət verildi

Misirdə Salah muzeyi yaradılacaq - FOTO

Salah künc zərbəsindən rəqib qapısına qol vurdu - VİDEO

Məhəmməd Salah start heyətdə yer almadı