Aprelin 13-də ali təhsil müəssisələrinin komandaları arasında keçirilən badminton üzrə Azərbaycan çempionatına yekun vurulub.

Sportfm.az xəbər verir ki, turnirin mükafatlandırma mərasimi Azərbaycan Texniki Universitetinin idman zalında keçirilib.

Azərbaycan Badminton Federasiyasının təşkilatçılığı, Təhsil Nazirliyinin dəstəyi ilə keçirilən yarışın qalibi turniri məğlubiyyətsiz başa vuran Azərbaycan Dövlət Bədən Tərbiyəsi və İdman Akademiyasının komandası olub.

Qalib komandaya kuboku federasiyanın vitse-prezidenti Emin Zeynalov təqdim edib. Çempionatda Azərbaycan Dövlət İqtisad Universitetinin komandası ikinci, Bakı Dövlət Universitetinin komandası isə üçüncü olub.

Turnirin qalibi 3 min, ikinci yerin sahibi 2 min, üçüncü pillədə qərarlaşan komanda isə min manat məbləğində pul mükafatı ilə təltif edilib.

Mükafatçılara Azərbaycan Badminton Federasiyası tərəfindən də diplom və medallar təqdim olunub.

Oxşar xəbərlər

Futzal üzrə Tələbə Liqasına yekun vuruldu

Gənclər Gününə həsr olunmuş boulinq yarışı keçirildi - FOTO

Badminton üzrə Azərbaycan çempionatı keçiriləcək

Azərbaycan çempionatının açılış mərasimi keçirilib

Azərbaycan Kooperasiya Universitetinin komandası mini futbol turnirinin qalibi oldu - FOTO