Rumıniyanın Buxarest şəhərində yunan-Roma güləşi üzrə keçirilən “Yon Kornianu & Ladislav Simon” turnirinə yekun vurulub.

Sportfm.az xəbər verir ki, böyük məşqçi Nurəddin Rəcəbov və Rövşən Bayramovun başçılığı altında beynəlxalq yarışda gücünü sınayan Azərbaycan millisi 5 mükafat qazanıb.

İdmançılarımızdan dördü turniri çempionluqla tamamlayıb. Belə ki, Fərid Sadıxlı (55 kq), Fərid Xəlilov (67 kq), Qurban Qurbanov (87 kq) və Məzaim Mərdanov (130 kq) bütün rəqiblərinə qalib gələrək qızıl medala sahib çıxıblar.

Yığmanın digər üzvü İlkin Qurbanov (63 kq) isə fəxri kürsünün 3-cü pilləsində qərarlaşaraq aktivimizə bürünc medal yazdırıb.

Oxşar xəbərlər

Beynəlxalq turnirdə 4 medal

Boksçularımız 4 medal qazandı

Qazaxıstanda 2 qızıl medal - Ənənəvi turnir

Parataekvondoçularımız Meksikada iki medal qazandı

Millilərimizin heyəti açıqlandı - Avropa çempionatı