1-ci liqada mübarizə aparan “Şahdağ Qusar” daha iki futbolçu ilə bağlı qərarını rəsmiləşdirib.
Sportfm.az xəbər verir ki, bölgə təmsilçisi qanalı müdafiəçi Kvaku Adjei ilə yeni müqavilə imzalayıb. Razılaşmaya əsasən, 19 yaşlı afrikalı futbolçu 2026/2027-ci illər mövsümünün sonunadək Qusar klubunun formasını geyinəcək. O, karyerasına vətənində “Charity Stars” klubunda başlayıb və noyabr ayından etibarən “Şahdağ Qusar”ın heyətində çıxış edir.

Bununla yanaşı, klub hücum xəttini də gücləndirib. Qanalı forvard Peter Agblevor “Şahdağ Qusar”la mövsümün sonuna qədər müqavilə bağlayıb. O, daha əvvəl Ruandanın “Musenza” və “Police” FC klublarında forma geyinib.

Xatırladaq ki, “Şahdağ Qusar” I liqada geridə qalan 12 turdan sonra 12 xal toplayaraq turnir cədvəlinin 8-ci pilləsində qərarlaşıb.

Oxşar xəbərlər

"Neftçi"nin yetirməsi “Şahdağ Qusar”da

"Şahdağ Qusar"da iki yeni oyunçu - Transfer

“Qusar” – “Şahdağ Qusar” qarşılaşması baş tutmadı

“Şahdağ Qusar”dan 12-ci qələbə

"İmişli"dən ayrılan futbolçu "Şahdağ Qusar"da - TRANSFER