Dünyanın güləş ictimaiyyətinin diqqəti avqustun 21-dən etibarən Fransanın paytaxtı Paris şəhərində keçiriləcək dünya çempionatına yönəlib.

Sportfm.az xəbər verir ki, Yunan-Roma güləşi üzrə yığma komandamızın üzvləri ötən gecə Parisə yola düşüb.

Komandamızın heyətində Taleh Məmmədov (59 kq), Kamran Məmmədov (66 kq), Rəsul Çunayev (71 kq), Həsən Əliyev (75 kq), Elvin Mürsəliyev (80 kq), İslam Abbasov (85 kq), Orxan Nuriyev (98 kq) və Sabah Şəriəti (130 kq) yer alıb. Yığmamız baş məşqçi Şaban Donat, böyük məşqçi Akif Əliyev, məşqçilər Nurəddin Rəcəbovun rəhbərliyi altında mübarizə aparacaq.

Proqrama əsasən, çempionatın ilk iki yarış günündə yunan-Roma güləşçiləri yarışacaq. Avqustun 21-də 71, 75, 85 və 98 kq, avqustun 22-də isə 59, 66, 80 və 130 kq-da pəhləvanlar xalçaya çıxacaq.

Oxşar xəbərlər

Medal ümidlərimiz Fransaya yola düşdü - FOTO

Yığma komandamız Qran-Pridə mübarizə aparacaq

Güləşçilərimiz Kiyevdə güclərini sınayacaqlar

Dünya çempionatında ölkəmiz neçə güləşçi ilə təmsil olunacaq?

Yunan-Roma güləşçilərimiz Yay Olimpiya Oyunlarına hazırdırlar