"Onlar bizdən çəkinsin” – bu sözlər "Kopenhagen”nin yarımmüdafiəçisi Nikolay Tomsenə aiddir.
Danimarkalıların 24 yaşlı futbolçusu Nikolay Tomsen Sportfm.az saytına açıqlamasında bir çox maraqlı məqamlara toxunub:”Bizi ən çox qorxudan isti hava şəraiti idi, ancaq indi görürəm ki, burada deyildiyi qədər qorxunc isti yoxdur. Rəqibin oyunlarının videoyazısını seyr etmişik. "Qarabağ" güclü və təcrübəli komanda təsiri bağışlayır. Biz Danimarka çempionuyuq və ölkəmizi Çempionlar Liqasında təmsil etmək istəyirik, düşünürəm ki, bunu bacaracağıq. Rəqibdən qətiyyən çəkinmirik, qoy, onlar bizdən çəkinsin”.
Qeyd edək ki, Respublika stadionunda keçiriləcək "Qarabağ" - "Kopenhagen" matçı saat 20:00-da başlanacaq.