Türkiyənin "Fənərbaxça" klubu yarımmüdafiə xəttini yeni futbolçu ilə gücləndirməyi planlaşdırır.

Sportfm.az xəbər verir ki, İstanbul təmsilçisinin əsas hədəfi "Hatayspor"da çıxış edən Fisayo Dele-Başirudur. Bu barədə "Sözcü" nəşri məlumat yayıb.

"Sarı-lacivərtlilər" qış transfer pəncərəsi zamanı 22 yaşlı dayaq yarımmüdafiəçisi üçün onun klubuna rəsmi təklif göndərəcək.

"Hatayspor" Fisayo Dele-Başirunu mövsümün əvvəlində "Şeffild Uensdey"dən transfer edib. Nigeriya millisinin üzvü Super Liqa təmsilçisinin heyətində meydana çıxdığı 12 rəsmi matçda 4 qol və 4 məhsuldar ötürmə ilə yadda qalıb.

Qeyd edək ki, "Hatayspor"da Azərbaycan milli komandasının hücumçusu Renat Dadaşov da çıxış edir.

Oxşar xəbərlər

Saranı "Saray"a gətirdilər - TRANSFER

Ferdi "Fənərbaxça"dan gedir

"Cim-bom"un yeni hədəfi - Viktor Lindelöf

Yüksək daha "yüksəyə qalxa bilər"

Türkiyə klubundan İngiltərəyə yollanır