Azərbaycan taekvondo millisi aprelin 8-də Rumıniyanın paytaxtı Buxarestdə start götürəcək 3-cü Avropa Oyunlarına lisenziya xarakterli təsnifat turnirində iştirak edəcək.

Sportfm.az xəbər verir ki, baş məşqçi Reza Mehmandostun rəhbərliyi altında Səyyad Dadaşov (54 kq), Xanoğlan Kərimov (63 kq), Ələsgər Əliyev (80 kq) və Həmidreza Bədriəliabadi (+87 kq) yarışda qüvvələrini sınayacaqlar.

Turnirdə hər çəki dərəcəsinin qalibi Krakov-2023-də iştirak hüququ qazanacaq.

Bu gün Rumıniyaya yollanan taekvondoçular aprelin 10-da Bakıya qayıdacaqlar.

Polşanın Krakov şəhərində keçiriləcək 3-cü Avropa Oyunlarında Azərbaycanın 7 taekvondoçusunun iştirakı artıq təsdiqlənib. Reytinqə əsasən, Qaşım Maqomedov (58 kq), Cavad Ağayev (68 kq), Eltac Qafarov (74 kq), Taleh Süleymanov (87 kq), Minayə Əkbərova (46 kq), Patimat Abakarova (49 kq) və Fəridə Əzizova (67 kq) Krakov-2023-ə vəsiqə əldə ediblər.

Avropa Oyunlarında taekvondo yarışları iyunun 23-26-da keçiriləcək.

Oxşar xəbərlər

Millimizdə yeni baş məşqçi

Millimizin dünya çempionatı üçün heyəti - SİYAHI

Avropa Oyunlarına lisenziya qazandılar - FOTO

Avropa çempionatı üçün heyəti açıqlandı

Millimizin heyəti açıqlandı - Avropa təsnifat turniri