Bu gün futbol üzrə Azərbaycan milli komandası UEFA Millətlər Liqasında növbəti oyununu keçirəcək.

Sportfm.az xəbər verir ki, Azərbaycan yığması səfərdə Slovakiya millisi ilə qarşılaşacaq. Slovaklar turnir cədvəlinin zirvəsində qərarlaşan Qazaxıstana yaxınlaşmaq üçün bu oyunda ancaq qələbəyə köklənəcək. Hesabında 4 xal olan Azərbaycan millisinin bu görüşdə qələbə qazanmaq şansı çox olmasa da, Canni De Byazinin yetirmələri ən azı bir xal üçün mübarizə aparacaq.

Qrupun digər oyununda lider Qazaxıstan Belarusu qəbul edəcək.

UEFA Millətlər Liqası, 5-ci tur
C Liqası, 3-cü qrup

22 sentyabr

18:00 Qazaxıstan – Belarus

22:45 Slovakiya – Azərbaycan
Hakimlər: Uilyam Kollam, Devid Makgiçi, Frensis Konnor, Doland Robertson (hamısı Şotlandiya)

Xal: Qazaxıstan – 10. Slovakiya – 6. Azərbaycan – 4. Belarus – 2.