"Qarabağ"ın İsveçrədə "Bazel"in qapısına vurduğu qolu saymayan xorvatiyalı referi Fran Yoviç və köməkçisi Hrvoye Radiç Ağdam klubunu təkcə 1/8 final mərhələsinə birbaşa vəsiqədən məhrum etməyib.

Sportfm.az xəbər verir ki, 37 yaşlı baş hakim həm də "köhlən atlar"ın UEFA-dan daha çox gəlir əldə etməsinin qarşısını alıb.

Azərbaycan təmsilçisi qrupdan çıxdığı və pley-offa yüksəldiyi üçün ümumilikdə 625 000 avro vəsait alacaq. Bu məbləğin 320 000 avrosu qrup ikinciliyinə, 300 0000 avrosu isə pley-offa vəsiqə üçün veriləcək. Komanda qrup birincisi kimi 1/8 finala çıxsaydı, bu məbləğin 2 qatını, yəni, 1 250 000 avro qazanacaqdı. Bu isə o deməkdir ki, "Qarabağ" Yoviçə görə 625 000 avro pul itirib.

Qeyd edək ki, "Bazel" - "Qarabağ" görüşündə "köhlən atlar"ın yarımmüdafiəçisi Abdullah Zubirin vurduğu top qapı xəttini keçsə də, Fran Yoviç qolu qeydə almayıb.

Oxşar xəbərlər

"Qarabağ"ın qolunu saymadı, vacib təyinat aldı - Nonsens

"Güclü rəqiblərlə qarşılaşmaq istəyirik" - Kevin Medina

"Qarabağ" bu gün "Bazel"lə qarşılaşacaq - Konfrans Liqası

"Bazel" - "Qarabağ" oyununun hakimləri məlum oldu - Konfrans Liqası

"Qarabağ" bu mövsüm nə qədər qazanıb?