Azərbaycanın sərbəst güləşçisi Abubakr Abakarov Bolqarıstanın paytaxtı Sofiyada keçirilən Dünya Olimpiya Təsnifat Turnirində yarımfinal görüşünə çıxıb.

Sportfm.az xəbər verir ki, 86 kq çəki dərəcəsində yer alan 22 yaşlı pəhləvanın rəqibi slovakiyalı Boris Makoyev olub.

Görüş 4:4 hesablı bərabərliklə yekunlaşsa da, sonuncu xal prinsipinə əsasən, Makoyev qalib elan olunub. Abakarov finala yükələ bilmədiyi üçün Tokio-2020 Yay Olimpiya Oyunlarına lisenziya şansını əldən verib. O, mayın 7-də bürünc medal uğrunda güləşəcək.

Beləliklə, Azərbaycan sərbəst güləşçiləri olimpiadaya 6 mümkün lisenziyadan 3-ü ilə kifayətlənib. Şərif Şərifov (97 kq) sonuncu dünya çempionatında, Hacı Əliyev (65 kq) və Hacımurad Hacıyev (74 kq) isə Avropa Olimpiya Təsnifat turnirində bu vəzifənin öhdəsindən gəlib.

Oxşar xəbərlər

Güləşçimizdən bürünc medal - Təsnifat turniri

Güləşçilərimizdən tarixi antirekord - Uğursuzluq

Güləşçilərimiz yarımfinalda - Təsnifat Turniri

Sərbəst güləşçilərimiz lisenziya üçün mübarizə aparacaq - Tokio-2020

Millimizin heyəti açıqlandı - Olimpiya Təsnifat turniri