“Qarabağ”ın UEFA Avropa Liqasının qrup mərhələsindəki rəqiblərindən olan “Sivasspor” klubunda zədəli futbolçuların vəziyyətinə aydınlıq gəlib.

Sportfm.az xəbər verir ki, Türkiyə təmsilçisinin 4 futbolçusu növbəti turda “Qarabağ”la keçiriləcək oyunu buraxacaq. Sol ayağında yırtıq aşkarlanan Joge Feliks 4 həftə yaşıl meydanlardan kənarda qalacaq. Daha əvvəl sol ayaq biləyindən əməliyyat olunan Aaron Appindanqoyenin müalicəsində son mərhələ başlanılıb. Sağ dizindən zədələnən Sergey Rıbalka və keçən həftə sıradan çıxan kapitan Ziya Erdalın isə 1 həftə sonra məşqlərə başlayacağı gözlənilir. Bu futbolçuların “Qarabağ”la oyunda iştirak etməyəcəyi dəqiqləşib.

Müalicəsində 2-ci həftəni tamamlayan Marselo Qoyano isə məşqlərə başlamağa hazırdır.

“Sivasspor” – “Qarabağ” oyunu noyabrın 5-də keçiriləcək.

Oxşar xəbərlər

Kevin Medina üçün il bitdi - 4 həftə oynamayacaq

Ozobiçlə Qarayevin durumuna aydınlıq gəldi

“Qarabağ”ın rəqibində itki - Daha bir futbolçu

“Sivasspor” “Qalatasaray”a məğlub oldu - 1:2

Mahir Emreli yaşıl meydanlardan uzaq qalacaq