Sentyabrın 27-dən etibarən Ermənistan silahlı qüvvələrinin yaşayış məntəqələrimizi atəşə tutması nəticəsində Naftalan şəhərində 2007-ci il təvəllüdlü, AFFA-nın təşkilatçılığı ilə keçirilən liqada UGİM (Naftalan) komandasının heyətində çıxış etmiş Şəhriyar Qurbanovun həlak olması ilə əlaqədar Azərbaycan Futbol Federasiyaları Assosiasiyası UEFA-nın üzvü olan 55 Milli Assosiasiyanın 53-nə məktubla müraciət edib.

Sportfm.az xəbər verir ki, müraciətdə qeyd olunub ki, 13 yaşı Şəhriyarın ölümü futbol ailəsini dərindən sarsıtmışdır. Bu məsələ nəinki bizi, bütövlükdə futbol ictimaiyyətini narahat edir; həyatda ilk addımlarını atmaqda olan uşaqlar müharibələrin hədəfi olmamalıdır. Bu çətin dönəmdə Avropa futbol ailəsini dinc sakinlərə qarşı aqressiyanı, xüsusilə də azyaşlı uşaqların bu və ya digər şəkildə hərbi əməliyyatlara daxil edilməsini qınamağa və #stopchildmurder (uşaq qətllərinə son) həştəqindən istifadə etməklə həmrəylik nümayiş etdirməyə çağırırıq.

Oxşar xəbərlər

Goranboy və Gəncə yenə atəşə tutuldu - Ölən var

Elxan Məmmədov ermənilərin futbolla bağlı təxribatlarından danışdı

FİFA AFFA-ya başsağlığı verdi

AFFA FİFA və UEFA-ya müraciət etdi - Ölən futbolçu ilə bağlı

Mingəçevirdə turnir keçirildi - FOTO