Çinin "Şanxay Şenxua” klubu "Çelsi”nin müdafiəçisi Con Terrini transfer etməkdə israrlıdı.

Komanda.az İngiltərə mətbuatına istinadən xəbər verir ki, Çin klubu Terriyə rəsmi təklif göndərib. Çinlilər bir müddət əvvəl müdafiəçiyə vəd etdikləri illik məvacibi də qaldırmağa razıdırlar.

"Şanxay Şenxua”nın daha əvvəl Terriyə ildə 8 milyon avro məvacib verməyə hazır olduğu barədə məlumat yayılmışdı.

35 yaşlı futbolçunun "Çelsi”ylə müqaviləsi 2017-ci ilin yayında başa çatır.

Hələ ki, "Çelsi” Terriyə yeni müqavilə təklif etməyib.