"Barselona”nın futbolçusu Lionel Messiyə 100 milyon avro təklif edilib. Komanda.az xəbər verir ki, adı açıqlanmayan klub "Barsa” ilə müqaviləni uzatmamaq üçün argentinalı futbolçuya 100 milyon avro təklif edib. Bu barədə iddianı "El Mundo” nəşri irəli sürüb. Həmin klub Messiyə 100 milyon bonus ödəməklə, "Barselona” ilə müqaviləsi başa çatdıqdan sonra onu havayı əldə etməyi planlaşdırır. Hazırda Messini transfer etmək istəyən klub 250 milyon avro ödəməlidi.

Messinin "Barsa” ilə qüvvədə olan müqaviləsi 2018-ci ilin yayında başa çatır. Məlumata görə, "Barsa” ilə Messi arasında yeni müqaviləylə bağlı danışıqlar "Barselona” - "Real” matçından - "El klasiko”dan sonra başlayacaq.

Qeyd edək ki, "El klasiko” dekabrın 3-də baş tutacaq.