Güləşçilərin yeni reytinq cədvəli açıqlanıb.

Sportfm.az xəbər verir ki, sərbəst güləş millimizdən dörd nəfər reytinqin ilk onluğunda qərarlaşıb. 

Belə ki, Ağahüseyn Mustafayev (70 kq) 8-ci, Cəbrayıl Həsənov (79 kq) 2-ci, Şərif Şərifov (97 kq) 3-cü və Cəmaləddin Məhəmmədov (125 kq) 4-cüdür. Onlardan Olimpiya çempionumuz Şərif Şərifov ötən ay ikinci pillədəki yerini amerikalı Olimpiya çempionu Kayl Sneyderə verməli olub.

Yunan-Roma güləşində ilk onluqda millimizin üzvlərindən yalnız üç idmançı var. Eldəniz Əzizli (55 kq) 4-cü, Sənan Süleymanov (77 kq) 9-cu və Rafiq Hüseynov (82 kq) 2-ci yerdədir. İlk iki güləşçimiz əvvəlki reytinqlə müqayisədə bir pillə geriləyib.

Qadın güləşində isə iki idmançımız ilk onluqda qərarlaşıb. Mariya Stadnik (50 kq) 2-ci və Elis Manolova (65 kq) 3-cü pillədəki yerini qoruyub.

Oxşar xəbərlər

Azərbaycan güləşçiləri Tokioya yollandı - Tokio-2020

İki güləşçimiz ilk onluqda - Reytinq cədvəli

Güləşçilərimiz beynəlxalq reytinq cədvəlində ilk onluqda yer aldı

Bu gün iki güləşçimiz qızıl medal uğrunda yarışacaq

Dünya çempionatı öncəsi 2 güləşçimiz reytinqdə ilk sırada yer alıb