Bolqarıstanın paytaxtı Sofiyada Avropa Gimnastika İttifaqının (FIG) Baş Assambleyası keçirilib.

Sportfm.az xəbər verir k, tədbirdə ölkəni qurumun baş katibi Nurlana Məmmədzadə, İcraiyyə Komitəsinin üzvü Mariana Vasilyeva, federasiyanın beynəlxalq əlaqələr üzrə meneceri Mehman Əliyev və texniki direktoru Natalya Bulanova təmsil edib.

47 üzv federasiyanın iştirak etdiyi Baş Assambleyada bir sıra mühüm qərarlar qəbul edilib. Əsas qərarlar isə gimnastikanın gələcək inkişafı naminə təşkilatın Nizamnaməsinə bir sıra dəyişikliklərin edilməsi və qurumun adının dəyişdirilməsidir.

Bundan sonra Avropa Gimnastika İttifaqı “Avropa Gimnastikası” (European Gymnastics) adlanacaq. Bu dəyişiklik isə 2020-ci il aprelin 1-dən qüvvəyə minəcək.

Xatırladaq ki, Avropa Gimnastikasına 2006-2017-ci illərdə AGF-nin baş katibi olmuş, azərbaycanlı Fərid Qayıbov rəhbərlik edir.

Təşkilatın Baş Assambleyasının növbəti iclası isə 2021-ci ilin dekabrında Portuqaliyanın Albufeyra şəhərində keçiriləcək.

Oxşar xəbərlər

Avropa çempionatında aerodans, qrup və üçlük proqramlarının qalibləri mükafatlandırıldı

Bakı 2020-ci ildə dünya çempionatına ev sahibliyi edəcək

Fərid Qayıbov vəzifəsindən istefa verdi - Maraqların toqquşmaması baxımından

Bakı batut gimnastikası üzrə 26-cı Avropa çempionatına hazırlaşır

Avropa Gimnastika İttifaqının yeni baş direktoru məlum olub