AFFA İntizam Komitəsinin növbəti iclası baş tutub.

Sportfm.az xəbər verir ki, aparılan müzakirələrdən sonra I Divizionun VIII turunda baş verənlərlə bağlı aşağıdakı qərarlar qəbul edilib:

“Ağsu” – “Sumqayıt-2” matçının 90+6-cı dəqiqəsində qonaq komandanın futbolçusu Cavid Quliyev ikinci sarı vərəqə alaraq meydançadan kənarlaşdırıldığı üçün 1 oyun cəzalanıb, klub 20 manat cərimə olunb.

“Sabah-2” – “Keşlə-2” matçında ikincilərin 5 futbolçusu sarı vərəqə ilə cəzalandığı üçün klub 80 manat cərimə olunub. 

“Zaqatala” – “Kəpəz” matçında gəncəlilərin 4 futbolçusu sarı vərəqə ilə cəzalandığı üçün klub 80 manat cərimələnib. Oyunun 71-ci dəqiqəsində “Kəpəz”in futbolçusu Ayxan Quluzadə ikinci sarı vərəqə alaraq meydançadan kənarlaşdırıldığı üçün 1 oyun cəzalanıb, klub 20 manat cərimə edilib. Qarşılaşmanın 90-cı dəqiqəsində “Zaqatala”nın futbolçusu Səid İbadov ikinci sarı vərəqə alaraq meydançadan kənarlaşdırıldığı üçün 1 oyun cəzalanıb, klub 20 manat cərimə olunub. 

“Zirə-2” – “Neftçi-2” matçının 90+4-cü dəqiqəsində meydan sahiblərinin futbolçusu Elçin Bayramov sonuncu ümid fouluna görə birbaşa qırmızı vərəqə alaraq meydançadan kənarlaşdırıldığı üçün 1 oyun cəzalanıb, klub 20 manat cərimə olunub.

Oxşar xəbərlər

Divizion klublarının cəzası açıqlandı

Divizion klubları cəzalandı

I Divizion klublarının cəzası açıqlandı

“Kəpəz”ə texniki məğlubiyyət verildi

"Kəpəz" 2400 manat cərimə olundu