Türkiyə hakimi Cüneyt Çakır UEFA-dan yeni təyinat alıb. Qol.az-ın Türkiyə Futbol Federasiyasının saytına istinadən yaydığı xəbərə görə, o,  Çempionlar Liqasının E qrupunda keçiriləcək "Bayer" (Leverkuzen) - "Tottenhem" oyununu idarə edəcək. Ona Bahattin Duran və Tarık Ongun köməklik edəcək. Dördüncü hakim funksiyasını Mustafa Emre Eyisoy yerinə yetirəcək.

Qeyd edək ki, "Bayer" - "Tottenhem" görüşü oktyabrın 18-i Bakı vaxtı ilə 22:45-də başlayacaq.