Futbol kralı Pelenin sidik kisəsindən daşın götürülməsi üzrə əməliyyat uğurla tamamlanıb.

Sportfm.az xəbər verir ki, vətəni Braziliyada əməliyyat olunan 78 yaşlı əfsanəvi futbolçunun həyatına təhlükə yoxdur. Onun ümumi vəziyyəti yaxşı qiymətləndirilir.

Pelenin səhhətində problemlər ötən həftə Fransaya səfəri zamanı başlayıb. Braziliyalı sabiq hücumçu Parisdə PSJ-nin forvardı Kilian Mbappe ilə görüşüb. Aprelin 2-də axşam isə o, qaldığı oteldən təcili xəstəxanaya çatdırılıb.

Parisdən vətəninə qayıtdıqdan sonra üçqat dünya çempionu San-Paulu klinikalarından birinə yerləşdirilib. Tibbi müayinə nəticəsində onun sidik kanalında infeksiyanın olduğu müəyyənləşib.

Oxşar xəbərlər

Millimizin voleybolçusu təcili əməliyyat olundu

Pele yenə xəstəxanaya düşdü

Pelenin son durumu açıqlandı

Pelenin səhhəti ilə bağlı son durum - “Ağrısı yoxdur, əhval-ruhiyyəsi yaxşıdır"

Pele San-Puladakı xəstəxanadan evə buraxıldı