İtaliyanın "Cenoa" klubu Türkiyə millisinin və "Beşiktaş"ın futbolçusu Dorukhan Toközə "elçi düşüb".

Sportfm.az xəbər verir ki, A Seriyası təmsilçisi 22 yaşlı yarımmüdafiəçi üçün menecerlər vasitəsilə İstanbul təmsilçisinə 6 milyon avro təklif edib. "Beşiktaş" isə bu təklifi rədd edib. Bildirilib ki, "Cenoa" oyunçu üçün mövsümün sonunda daha yüksək bir məbləğ təklif edərsə, klublar danışıqlara başlaya bilər.

Qeyd edək ki, Dorukhan Toköz 2018-ci ilin iyul ayında "Əskişəhərspor"dan azad agent kimi "Beşiktaş"a keçib. O, Türkiyə millisinin AÇ-2020-nin seçmə mərhələsində səfərdə Albaniyanı 2:0, evdə Moldovanı 4:0 hesabı ilə məğlub etdiyi matçlarda meydanda olub. Bu mövsüm "Beşiktaş"ın heyətində 19 oyunda iştirak edən yarımmüdafiəçi 3 qol və 2 məhsuldar ötürmə ilə yadda qalıb.

Oxşar xəbərlər

Gürcü futbolçu "Beşiktaş"da

"Atletiko" 150 milyon avroluq təklifdən imtina etdi

"Fulhem" "Beşiktaş"ın futbolçusunu heyətinə qatdı

75 milyon avroluq təklifi rədd etdilər - Müdafiəçi üçün

Hücumçu İstanbul klubu qarşısında şərt qoydu