Türkiyə Super Liqasında XXIV turun "Yeni Malatyaspor" - "Başakşehir" matçından sonra hakimlər otağında qalmaqal baş verib. 

Sportfm.az xəbər verir ki, oyunun baş hakimi Fırat Aydınus yan xətt hakimi Yusuf Bozdoğanı söyüb.

Görüşün TFF (Türkiyə Futbol Federasiyası) nümayəndəsi Cenk Altun isə bunu öz rəhbərliyinə çatdırıb. Aydınus isə xəbər tutduqdan sonra Altunla dalaşıb.

TFF Hakimlər Komitəsindən məsələ ilə bağlı izahat istəyib. İntizam Komitəsi hakimlərə 3 aydan çox cəza versə, hər iki şəxs karyeralarını başa vurmalı olacaqlar. 

Artıq Aydınus və Bozdoğana bu tur təyinat verilməyib. İntizam Komitəsinin qərarı açıqlananadək onlar oyunlardan kənarda qalacaqlar. 

Söyüş olayı araşdırıldığı vaxt VAR sisteminin videogörüntülərindən də istifadə olunacaq. Martın 3-də keçirilmiş "Yeni Malatyaspor" - "Başakşehir" matçı qonaqların qələbəsi ilə yekunlaşıb - 2:0.

Oxşar xəbərlər

UEFA və FİFA-dan Cüneyt Çakır reaksiyası - AÇIQLAMA

Hakimlər 11-ci maddə ilə ittiham olunur - PSJ - "Başakşəhər"

"Qəbələ"nin cərimə edilməsinin səbəbi məlum oldu

Fatih Terim meydançaya buraxılmayacaq

Baş hakim çılğına döndü - köməkçisinə görə - VİDEO