“Rəqib azlıqda qalmasaydı, daha maraqlı oynayardıq” -Elşad Əhmədov
“Sabah”ın baş məşqçisi Elşad Əhmədov Topaz Premyer Liqasının 8-ci turu çərçivəsində “Sumqayıt”a qarşı keçirdikləri səfər oyununu şərh edib.
Sportfm.az xəbər verir ki, o, 1:0 hesabıyla qalib gəldikləri matçdan sonra bunları söyləyib:
- Oyunun gərgin keçəcəyini gözləyirdik. Rəqib hardasa ikinci hissədə bizi üstələdi. Hərçənd, azlıqda oynayırdı. Nazim Süleymanov yaxşı komanda qurub. Futbolçularımız xarakter, mübarizlik göstərdilər və qələbə çaldılar. Buna görə onları təbrik edirəm.
- Rəqibin üstünlüyü 60-cı dəqiqədən sonra özünü göstərdi. Komandada yorğunluq vardı, hərəkətsizlik vardı. Bu, nəylə bağlı idi?
- Yetirmələrimdə bu həyəcan vardı ki, qol buraxmasınlar.
- Aldığınız 4 sarı vərəqə də bunun nəticəsi idi?
- Bu da revanş hissiylə bağlı oldu. Çox sarı vərəqə aldıq.
- Vurğun Hüseynov olmasaydı, "Sumqayıt" daha üstün oynayardı. Bunu düşündünüzmü?
- Elə düşünmürəm. 11-11-ə oynasaydıq, futbolçularımız daha maraqlı oynayırdılar.
- Bəxtiyar Soltanov ötən mövsüm "Xəzər"də I divizionda komandanızın kapitanı, lideri idi. Ancaq indi sonradan meydana girir, qaça bilmir. Doğrudanmı, çempionatlara arasında səviyyə fərqi belə böyükdü, yoxsa problem futbolçudadı?
- Bu iki liqa arasında səviyyə fərqi həqiqətən böyükdü. Bəxtiyarı özüm tanıya bilmədim ki, bir neçə epiozdda Yusif Nəbiyevi necə üstələyə bilmədi. Halbuki, Soltanov sürətli futbolçudu, bundan faydalana bilmədi. (sport24.az)
Oxşar xəbərlər
Regekampf düşünür ki, onlar yaxşı oynayıb - Mətbuat konfransı
Rəşad Sadıqov yenə hakimlikdən şikayətləndi
“İlk dəfə rəqib baş məşqçiyə ürəkdən uğurlar arzuladım” – Qurban Qurbanov
Ulduz futbolçu əməliyyat olunacaq
"Heç bir şey alınmadı" - Rəşad Sadıqov
Ən son xəbərləri bizim
"Facebook" səhifəmizdə izləyin












Misli Premyer Liqası