Rusiyada Böyük Vətən müharibəsi zamanı dünyasını dəyişən futbolçulara ucaldılan heykəl hər kəsi şoka salıb. Krasnodar vilayətinin Vityazevo qəsəbəsindəki heykəl əslində ikinci dünya müharibəsində almanları məğlub edən sovet futbolçularının şərəfinə ucaldılıb. Heykəlin üzərində isə "Barselona"nın və Argentina yığmasının ulduz futbolçusu Lionel Messinin şəkli həkk olunub. 

Sportfm.az xəbər verir ki, heykəlin açılış mərasiminə toplaşanlar argentinalının şəklini gördükdə heyrətlərini gizlədə bilməyib. Həmçinin, heykəlin üzərində yazılan mətndə xeyli sayda səhv aşkar edilib. Hazırda bu heykəl rusiyalı sosial şəbəkə istifadəçiləri tərəfindən ən çox müzakirə edilən mövzudur.