Növbəti mövsüm daha iddialı olmağı planlaşdıran "Vest Hem Yunayted" hücum xəttini gücləndirməyə yaxınıdır. Goal.az İtaliya mətbuatına istinadən xəbər verir ki, "çəkicdöyənlər" Karlos Bakkanın transferini "Milan"la razılaşdırıb. Kolumbiyalı forvarda görə 27 milyon avro+ 3 milyon bonus təklif olunub. London klubu Bakka ilə şəxsi müqavilənin şərtlərini razılaşdırır. 29 yaşlı forvarda illik 4 milyon avro məvacib təklif olunur.

Qeyd edək ki, Bakka 2015-ci ildə "Sevilya"dan "Milan"a transfer olunmuşdu.